x

Савдска Арабія дозволить женам шоферовати

00

Савдска Арабія дозволить женам шоферовати. Стане ся так на основі приказу, котрым вчера савдскоарабскый краль Салман інштруовав владны орґаны, абы выдавали шоферскы леґітімації мужом і женам. Опатріня зачне быти діюче од будучого рока, інформувала о тім савдскоарабска прес-аґентура. Краль Салман єдночасно дав приказ і на вытворіня выбору зложеного зо заступників єднотливых міністерстев, котрого задачов буде становленя новых метод потрібных на присудженя шоферскых леґітімацій.
(Петро Кімак-Фейко)