x

Северна Кореа правдоподобно рихтує далшу пробу

00

Корейска людоводемократічна републіка правдоподобно рихтує ся на далшу пробу балістічной міджіконтіненталной ракеты. Інформовала о тім в понедільок аґентура Associated Press із одкликаньом ся на выголошіня югокорейскых озброєных сил. Представитель югокорейского Міністерства обороны єдночасно повів, же сила выбуху коло пробы ядровой збрані, котру в неділю зробив Пхйонґанґ, представльовала приблизно 50 кілотон трінітротолуену. Быв то за порядком шестый, дотеперь найміцнішый тест ядровой збрані Северной Кореї і ішло правдоподобно о пробу водіковой бомбы. Южна Кореа на то в понедільок реаґовала воєньскыма маневрами.
(Петро Медвідь)