Споєны штаты америцькы пошлють до Афґаністану дальшых 3000 вояків. Америцькый презідент Доналд Трамп уж в авґусті інформував, же хоче звышыти актуалне чісло америцькых вояків в Афґаністані, котрых є коло 11 000 а зостали там і по сповніню бойовой місії, котра минула кінцьом рока 2014. В тім часі ся усуджовало о выслані 4000 вояків. Споєны штаты америцькы ся в Афґаністані зачали воєнскы анґажувати по терорістічных атакох з 11. септембра 2001 року. За еру президентованя Барака Обаму было в Авґаністані переходно бівше як 100 000 америцькых вояків, але од 2011 року іх чісло ся все понижувало.
(Петро Кімак-Фейко)