Споєны штаты Америкы хотять новый нуклеарьный договор з Іраном. Першы нарисы договору в понедільок представив Майк Помпео, міністер загранічных діл. Іран бы ся подля Помпеа мав завязати, же не буде нияк збогачовати уран і уможнить безусловный приступ меджінародных іншпекторів на вшыткы місця по цілій державі. Меджі 12-ма пунктами будучого договору, котры Помпео означів за основны пожадавкы з боку Споєных штатів, є окрім іншого пропущіня вшыткых америцькых гражданів затримованых в Ірані, стягнутя іраньскых сил зо Сірії ці то, жебы Іран перестав выгрожовати ся зничіньом Ізраіля.
(TASR)