Ракета, якы выпалили із Сірії засягла у четверь рештаврацію в турецькім погранічнім містї Кіліс а способила зраніня найменше пятём людём. Інформовала о тім аґентура АП з одкликанём ся на турецькых представітелїв. Пріватна турецька аґентура Доґан зверейнила відео, на котрім одводять хлопа зо зраненов головов в заместанецькім облечіню до саніткы. Турція спустила 20. януаря черезгранічну воєньску офензіву на Афрін, жебы тоту енклаву вышістила од Оддїлів народной себеобраны, котры Анкара поважує за терорістів, а то про удайне напоїня на заказану Партію курдьскы працуючіх в Турції, котра там боює за векшу автономію. Інформацію принїс справодайскый портал Teraz.sk.
(Зденка Цітрякова)