Турецькый найвысшый суд замітнув жадость главной опозічной Републіканьской народной партії на зрушіня недавных змін волебного закона в країнї. Увела то турецька штатна аґентура Андолу. Опозіція арґументовала тым, же зміны бы могли вести к подводам у важных презідентьскых ці парламентных выборах. Передчасны презідентьскы і парламентны выборы суть в Турції напланованы на 24. юна. На основі змін у волебнім законї, котры были прияты в рамках спорного балика розсяглых змін, буде мож наприклад приїмати листкы на голосованя і в копертках, котры не мають офіціалны печаткы волебной комісії.
(TASR)