Турецька влада має задум продовжыти о далшы три місяці вынятковый стан, котрый быв выголошеный по невыдаренім воєньскім пучі в юлі 2016-го року. В понедільок то оголосив віцепремєр Бекір Боздаґ. За порядком вже шесте продовжіня проїднать тот місяць турецька Рада про народну безпечность перед тым, як буде пропозіція дана до парламенту на схваліня. Інформовала о тім аґентура Associated Press. Теперішній вынятковый стан має скінчіти 19-го януара. Вынятковый стан уможнив владі Речепа Таїпа Ероґана рештрікції проти противників. Затриманых, підозрілых із напоїня на пуч, было майже 50 тісяч особ, веце як 110 тісяч пришло о свої робочі місця на державных посадах.
(Петро Медвідь)