Пряшівскый самосправный край дістане фінанчну пожычку 12 міліонів евр на обнову драг другой і третьой класы. Фінанції про край схвалила на віторковім засіданю влада Словацькой републікы. Maтеріал кабінету предложыло міністерство фінанцій. Цільом є добудованя комплексной інфраштруктуры в краю, котрый мать у своїй справі драгы в довжці 2 436 кілометрів, – iнформовав о тім пресовый одбор резорту фінанцій. Выслідком помочі буде подля міністерства скоріше обновліня інфраштруктуры, вылучіня гаварійных етап і зліпшіня цілковой безпекы. Пряшівскый край буде приділены фінанції черьпати в роках 2019 aж 2021.
(ТАSR, А. Кузмякова)