x

Здравотна документація буде по новім лем в електронічной формі

00

Пацєнты немають при спущіню електронічного здравотництва до острой превадзкы ниякы повинності і немусять ся никде реґістровати. Покы немають електроничну леґітімацію жытеля с електронічным чіпом, можуть поужывати на свою ідентіфікацію превказ поіщенця і родне чісло. повів то про Пресову аґентуру Словацькой републикы шеф Народного  центра здравотных інформацій Петро Блашковітш. Як далі повів, “Тот переходный період доколи буде тзв. дуалный режім, то значіть родне чісло о леґітімація жытеля с електронічным чіпом, буде до року 2021. До того часу мусиме вырішыти, правдаже, обывателів высшого віку, котры мали выданы ліґітімації жытеля уж з тов необмедженов платностьов, там маме уж догоду с міністерством внутра, як то зробити. Але правдаже, є ту бівша група, а то суть діти до 15 років, котры немають ниякый індіфікатор ани нияку ІД-карту. Там але уж маме догоду с міністерством внутра о тім, же будуть выдаваны леґітімації жытелів, буде то вызерати звычайні як леґітімації жытелів, і малолітнім дітям, то значіть дітям од 0 до 15 років.“

(Петро Кімак-Фейко)