Адвокаты, екзекуторы і нотарї бы могли протягом міморядной сітуації ці нудзового ставу волити і голосовати електронічно. Выходить то з владной новелы закона о дакотрых міморядных опатрїнях в повязаню з пошырёванём небезпечной наказливой людьской хвороты COVID-19 а в юстіції, котру у четверь посунули посланцї Народной рады СР до другого чітаня. Парламент о пропозіції рокує в скороченім леґіслатівнім конаню. Условія, за якых ся буде волебне і голосоваче право робити, мать становлёвати тот, хто вольбу або голосованя скликує ці выголошує. Мало бы то быти на увагі приналежной коморы, ці тоту правну управу вывжыє, конштатує резорт.

(TASR, Шутіова)