Міністер загранічных дїл і европскых залежностей СР Юрай Бланарь (Smer-SD) днесь путує до турецькой Анталії, де на позваня міністра загранічных дїл Турецькой републікы Гакана Фідана буде брати участь на четвертім рочніку конферекції Анталійске форум діпломації. На конференції буде брати участь 20 голов штатів а председів влад, 60 міністрів загранічных дїл а далшых вызначных представітелїв політічного і економічного жывота і заступцїв меджінародных орґанізацій. Шеф словацькой діпломації абсолвує протягом конференції в пятніцю і суботу білатералны стрїчі, на котрых буде діскутовати о посилнїню політічного діалоґу, розвитку взаємного обходу а інвестіцій, кооперації в меджінародных орґанізаціях, як і о актуалных ґлобалных темах враховано енерґетічной безпечности, америцькых цлах ці войнї на Українї.

(TASR, Шутіова)