Кандідаты на функцію ґенералного дирекатора Пресовой аґентуры Словацькой републікы – TASR, ся мусять приголосити до 18-го авґуста. Выходить то зо запису з рядного засіданя Справной рады TASR зо 17-го юлія, котре было публіковане на сайті пресовой аґентуры. Членове Справной рады отворять коперткы з приглашками 24-го авґуста о 11.00 год. за участи правника і нотаря. Кандідатів, котры сповнять условії на выконованя функції шефа аґентуры і передложать в становленім терміні комплетны приглашкы, запросять на публічне выслухованя. Дотеперішній шеф TASR Ярослав Резнік зачне од авґуста директоровати Розгласу і телевізії Словеньска.
(Петро Медвідь)