Председа партії Most-Híd Бела Буґар, котрый кандідує за презідента Словакії, уж має веце як 34 тісяч підписів потрібных на кандідатуру. Зачінать робити кампань, почас котрой ся хоче стрічати з людми. Свої шансы у выборах видить реално наперек тому, же є мадярьской народности. Повів то вчера на пресконференції в централі партії. „Думам, же Словакія вже дозріла. Передтым, кедь хтось кандідовав як член народностной меншыны, фактічно ся тримав гесла, же не є важным выграти, але взяти участь. Думам, же сітуація на Словакії змінила ся, а докінця і член меншыны, в тім припаді Мадярь, може мати шансу, і предпокладам і надіям ся, же буду мати шансу,“ повів Буґар. За думками кандідата є реална шанса, же ся дістане до другого кола. Кампань собі Буґар буде фінанцовати сам, грошы дасть і партія а колеґове. Буґар не повів, хто го вычерять у функції, покля бы быв у выборах успішным.
(TASR, Медвідь)
Фото: TASR