Міністерка културы СР Наталіа Міланова підписала вердікт о одобріню першых штирьох проєктів на будованя културно-креатівных центер. Цілковый ненавратный фінанчный вклад на тоты проєкты представує суму 43,5 міліонів евр. TASR о тім інформував говорця Міністерства културы СР Матуш Быстріанскый з тым, же резорт в найближшім  періоді дасть вердікт і про дальшы успішны проєкты. Фінанчны средства з Інтеґрованого реґіоналного операчного проґраму здобудуть місто Тренчін, Трнавскый і Кошыцькый край і Розглас і телевізіа Словеньска Банска Быстріця. ,,Сполочным цільом планованых креатівных центрів є звышіня заместнаности в културнім і креатівнім промыслі. Взникнуть по реконштрукції і модернізації в уж існуючіх будовах,“конкретізував резорт. (TASR, Pkf)