Вчера вечур (6.3) вмер вызначный словацькый політік, історік і археолоґ Душан Чапловіч. Душан Чапловіч в минулости дїяв як підпредседа влады СР і міністер школства а быв і підпредседом страны Smer-SD. Народив ся 18. септембра 1946. Высокошкольскы штудії, в одборї археолоґія – історія, абсолвовав на Філозофічній факултї Універзіты Коменьского в роцї 1969. Аж до року 2002 дїяв в Археолоґічнім інштітутї САН в Нїтрi. В роках 1992-2001 быв членом председництва САН в Братїславі, 1995-2001 підпредседом САН. В роках 2002 аж 2016 быв повторюючо зволеный за посланця НР СР, заставав многы посты у владнім кабінетї. Душан Чапловіч быв авоторм многых навчалных і одборных публікацій з области археолоґії і історії, публікованых на Словакії і в загранічу.

(TASR, Шутіова)