На Словакії вчера (30. 9.) прибыло 797 інфікованых новым коронавірусом. Лабораторія отестовали 9170 взорок. Інформував о тім премєр СР Іґор Матовіч на соціалній сіті. Цілкове чісло позітівні тестованых ся звышыло на  10.938. Зо захворіня COVID-19 ся вылічіло дальшых 225 пацєнтів. У звязку з новым коронавірусом неприбыла нияка смертна пригода, до днешнього дня є їх 48. Увело то Народне центрум здравотницькых інформацій на своїй інтернетовій сторинці covid-19.nczisk.sk. (TASR, Pkf)