Представителі участницькых держав з цілого реґіону при Орґанізації про безпечность і співпрацу в Европі днесь засідають в Братіславі. TASR о тім інформовало пресове одділіня Міністерства загранічных діл і европскых справ. Подію одкрыв міністер загранічных діл Мірослав Лайчак в позіції урядуючого председы ОБСЕ. Темов розговорів суть документы, котры будуть о нецілы два тыждні схвальовати участници Міністерской рады ОБСЕ. Тота буде засідати 5-го аж 6-го децембра і буде завершіньом тогорічной словацькой презідії. В Братіславі є участный і ґенералный секретарь ОБСЕ Томас Ґремінґер ці высокый комісарь про вопросы народностных меншын Ламберто Заньєр.

(Медвідь, TASR)