Народный проґрам розвитку выховы і освіты бы мала реалізовати і слідуюча влада, думать собі міністерка школства, наукы, баданя і шпорту Мартіна Лубійова. Як повіла, проґрам є треба реалізовати без огляду на то, яка владна ґарнітура на Словакії по фебруаровых парламентных вольбах буде. Народный проґрам схваленый владов встановлює прямованя школства на десять років, причім з реалізаційов ся зачало у 2018-ім році. Документ творить 12 частковых цілів, з того шість є про реґіоналне школство і шість про высоке школство. Окремых 106 кроків є розробленых до імплементачного плану, котрый є поділеный на 5 дворичных акчных планів. Акчны планы два аж пять бы ся мали в сістемі школства поступно реалізовати в роках 2020 аж 2027.

(Медвідь, TASR)