В храмох в 1527 фарностях ся в часі Місійной неділі 24-го октобра вызберало 644.806,50 евр на підпору місійных справ папы Франциска. Інформує о тім пресова канцеларія Конференції єпіскопів Словакії на своїй інтернетовій сторинці. Фінанчна збірка ся в часі даного дня одбыла в католицькых храмох у вшыткых країнах світа і здобыты фінанції з ньой суть призначены на підпору  актівіт в найбіднішых дієцезах і фарностях. Основнов думков Місійной неділі є але шыріня братстваі солідаріты. (TASR, Pkf)