Господаріня телерадія мусить копіровати параметры бюджету на 2024-ый рік, кедьже того часу не мож схвалити розрахунок Словацькой телевізії і радія (STVR) з причіны некомплетности рады. Заступник ґенералного директора STVR Іґор Сланіна на понедільковій стрічі одпрезентовав выходовы пункты розрахунку на рік 2025. TASR о тім інформовав секретарь Рады STVR Адам Мозолак. За його словами Сланіна звернув увагу на тырваючі леґіслатівно-правны барьєры, наприклад неможность вступовати до повноцінных контрактовых односин або мінити основны інтерны документы. Єдночасно подля Мозолака Сланіна ґарантовав, же дочасный манажмент STVR выпрацовав ярьну проґрамову штруктуру высыланя телевізії і радія.

(Медвідь, TASR)