Мімопарламентна Národná koalícia  змінила свою назву на Stranu vidieka. У вівторок о тім інформовав єй лідер і міністер турістічного руху і шпорту Рудолф Гуляк. Выголосив, же партія хоче репрезентовати традічны вартости і передовшыткым традічну аґрарну основу  Словакії. Партія буде підпоровати реґіоны. Гуляк підчеркнув, же Словакія є країнов реґіонів. Národná koalícia  мала вчера (30. 6.) сейм в Очовій, де ся, подля нього, єдноголосно договорили на зміні назву партії. Stranа vidieka буде хосновати марку SV. Зміну оголосив Гуляк вєдно з незалежныма посланцями парламенту Іваном Шевчіком, Павлом Люптаком і Романом Малатінцьом, котры суть частьов Гуляковой партії. (TASR, Pkf)