Частка Словаків з пожычков ці увером ся в тім року проти минулому скоро незмінила. Покы што в минулім року мало даякый фіначный обовязок 40% Словаків, днесь іде о 41% словацькых домашности. Выходить з актуалного дослідженя сполочности KRUK Česká a Slovenská republika, котра ся шпеціалізує на справу вымог фінанчных інштітуцій і корпоратных заказників. Частіше собі подля дослідженя пожычавають мужі, і то 43%, як жены (39%). Найчастіше іде о сумы меджі 4000 а 40.000 евр, о котры мать інтерес третина респондентів. Обовязкы высшы як 40.000 евр мать веце як четвертина довжників. Довгочасово собі Словаци пожычавають главні в продуктівнім віці, і то у віці меджі 25 і 44 років. Пожычкы але мають подля дослідженя і пятина сенійорів над 65 років. (TASR, Pkf)