Кідь бы парламентны вольбы одбыли ся в новембрі, подля дослідженя Центра соціалных досліджень при Інфостаті бы їх выграло днесь опозічне Progresívne Slovensko із здобытком 21,1 процента голосів. На другім місці бы быв владный Smer-SD із 16,7 процентами. Выходить то з резултатів дослідженя, котры Інфостат опубліковав на своїм сайті. На третім місці бы скінчів коалічный Hlas-SD із 11,5 процентами голосів. За ним бы слідовало KDH з 9,1 процентами, Republika із 7,8 процентами і SaS із семыма процентами. Demokrati і Hnutie Slovensko бы достали по шість процент. На граніці зволіня з пятьома процентами бы была Maďarská aliancia. До парламенту бы ся не достала днесь коалічна SNS (3 процента) ани Sme rodina (2,3 процента), Demokratická strana (1,1 процента) і іншы партії і рухы, котры здобыли менше як єдно проценто голосів. Дослідженя было реалізоване на взoрці 1109 респондентів од 3-го новембра до 7-го новембра 2025-го року. (TASR, Пкф)