О перенесіню комуналных і крайскых волеб є подля підпредседы партії Hlas-SD і міністра школства Томаша Друкера даремне шпекуловати, покля на порпозіції передом не є згода конштітучной векшыны в парламенті. Додав, же пятьрічны функчны періоды бы в будушности могли самосправам помочі, но не поважує за потребне о тім дебатовати. Опозічный рух KDH подля посланця Яна Горецького таку зміну стопроцентно не підпорить. Лідер опозічного руху Progresívne Slovensko Михал Шімечка поважує таку пропозіцію за погорданя демокраційов і воличами. Пропозіцію крітіковала і членка презідії руху Slovensko а предсидателька Жіліньского самосправного краю Еріка Юрінова. Проти перенесіню волеб озвала ся і орґанізація SK8, котра здружує крайскы самосправы. З думков перенесіня волеб пришов почас вікенду премєр Роберт Фіцо на робочім сеймі партії Smer-SD. Выголосив, же про Словакію бы было ліпше, кебы вольбы до орґанів самосправных країв і вольбы до орґанів самосправы сел і міст одбыли ся аж у 2027-ім році, по парламентных вольбах.

(Медвідь, TASR)