Зволена европосланкыня за партію SaS Луція Дюріш Ніколсонова дала жадость о позаставліня членьства в партії. Републикова рада партії покы єй жадость неодобрила. Пресовій аґентурі TASR то повіла Дюріш Ніколсонова. „Поважую то за інтерный проблем, котрый покы нехочу розоберати,“ одповіла на вопрос, чом пожадала о позаставліня членства в  SaS. Пізніше шак на соціалній сіті Ніколсонова написала, же єй причины суть о годнотах і принціпах і додала, же ниґде неодходить. (TASR, Пкф)