Словацькы европосланці вчера підпорили узнесїня Европского парламенту (ЕП) вызываюче на приятя комплексных опатрінь і фінанцованя рішіня сеґреґації дітей в едукації. Інформує о тім справодайця TASR в Бруселі. Узнесїня ЕП в імені політичной фракції европскых людовців (EPP) просадив словацькый европосланець Петер Поллак. На зачаток розправы увів, же ЕУ нераз указала, же ся докаже обєднати і хранити вовкы, медвіді і лісы, но ромскым дітьом ся довгы рокы краде їх будучність. (TASR, Pkf)