Европска комісія у четверь ознамила, же схвалила словацьку схему штатной помочі у вышцї трёх міліонів евр на підпору летецькых компаній постигнутых пандеміёв коронавірусу. Комісія уточнила, же підпора є в згодї з дочасным рамцом штатной помочі, котрый екзекутіва ЕУ прияла на зачатку пандемії, а буде ся реалізовати формов прямых ґрантів. О фінанції через тоту схему ся можуть уходити летецькы компанії з превадзковов ліценціёв ЕУ на транспорт путуючіх выданов приналежным словацькым ліценчным урядом. Фінанчны жрідла можуть здобыти посередництвом верейной вызвы на передкладаня жадостей.

(TASR, Шутіова)