В часі цілого мая ся одбудуть записы дітей до матерьскых школ. Про дітину, котра досягла пять років до 31-го авґуста 2023 (вєдно), є предпрімарна едукація повинна. Выходить то з реґулації к прїманю дітей на предпрімарну едукацію до матерьскых школ на школскый рік 2023/2024, опублікованой на інтернетовім сайті Міністерства школства, наукы, дослідженя і шпорту СР. На предпрімарну едукацію ся приїмать дітина од трьох років віку, вынятково мож прияти  дітину од довершіня двох років. Жадости о приятя дітины на предпрімарну едукацію на школскый рік 2023/2024 подавають родиче од 1-го до 31-го мая. Конкретный термін  і місце подаваня жадости опублікує діректор матерьской школы. Окрім того тыж опублікує і условія приїманя дітей до матерьской школы. (TASR, Pkf)