Путуючім в далекых влаках прибудуть до року 2021 сполу 85 штук модернізуваных або новых ваґонів. Желізнична сполочность Словакія то єсть обновує свій возовый парк в транспорті на найдовшы етапы, першыма такыма ваґонами бы ся мали люде одвести уж в часі того літа. „Новых ваґонів буде 35 штук, послідній бы мав быти доданый зачатком рока 2021, але векша часть буде додана в найближшых двох роках,“ повів про пресову аґентуру ТАСР ґенералный директор Філіп Глубоцкый. Як далі повів, з того чісла буде 28 ваґонів другого класу і сім ваґонів першой класы. Єдночасно сполочность дасть змодернізувати 50 штук особных ваґонів а до превадзкы їх поступні дати до року 2021. Новы і змодернізуваны ваґоны бы ся мали насаджовати до влаків на дорогы Жіліна – Прага і Братіслава – Кошыці, то значіть на найвытяженішы лінкы сполочності.
(TASR)

Фото: TASR