Пропозіція закона о Словацькій телевізії і радію, котра принесе зміны в сучаснім RTVS, ся одкладать, покля ся ку ній не высловить ся Леґіслатівна рада влады СР. Про TASR то повіла директорка Одділіня комунікації Міністерства културы Петра Бачіньска. Подля Бачіньской в одношіню з кількостьов припомінок і комплексностьов проблематікы резорт робить на допрацованю нового закона з тым, же є потрібным, жебы з пропозіційов закона познакомила ся і Леґіслатівна рада влады СР. Резорт културы іщі 11-го марца передложыв до скороченого припомінкового процесу пропозіцію закона о Словацькій телевізії і радію. Сучасна інштітуція бы ся не мала розділити, но пропонує ся веце змін, наприклад в способі вольбы ґенералного директора, ці запроваджіню контрольных орґанів.

(Медвідь, TASR)