Україньскый презідент Володимир Зеленьскый у четверь протягом особной стрїчі зо словацькым премєром Едуардом Геґером на самітї ЕУ в Бруселї офіціално пожадав Словакію о доданя стїгачок МіҐ-29 на заміры обраны перед російсков аґресіёв. Председа влады СР му одповів, же Словакія зробить максімум, жебы тій пожадавцї выговіла, інформує о тім справодайця TASR в Бруселї. Геґер по скончіню роковань увів, же Зеленьскый їх інформовав о сучасній сітуації на Українї з тым, же в найблизшых тыжднях очекують зінтензівнїня російской офензівы. На вопрос, коли бы ку додавцї летадел могло дойти, Геґер увів, же то укажуть рокованя. О Зеленьского жадости уж інформовав і міністра обраны СР Ярослава Надя.

(TASR, Шутіова)