Жнива 2019 уж буде о пару днів минулостьов. Комбайны поступово закінчують свою роботу.  Ку кінцю минулого тыждня оставало землегосподарям покосити уж лем остатні поля зо зерном, котры ся находять в області Оравы, Ліптова, Турця, Жіліны, Кошыц і Попраду. Як про пресову аґентуру TASR повіла Яна Голеціова, говоркыня Словацькой землегосподарьской і потравинарьской коморы, жниварьскы роботы в даных реґіонах спроваджали доджі, котры роботу на полі барз часто перерушовали. Конкретізувала, же оставать з цалковых засіяных територій покосити уж лем од 1-го % до 6 % єднотливых култур. (TASR, Pkf)