Злїпшыти став турістічной інфраштруктуры в словацькых горах тот рік помагали десяткы добровольників. Мікулаш Віраґ з клубу Hikemates про TASR повів, же годнота бріґад в рамках проєкту Hore dobre была лем в прямых накладох на уровни асі 60.000 евр. ,,Довєдна з партнером сьме зорґанізовали шість бріґад – в Кумштовій долинї в Низкых Татрах, над Татраньсков Ломнїцов, в Скалнатій долинї у  Высокых Татрах на утулни Славічек в Мураньскій планинї, на Желїзній студенцї і над Татраньскыма Матлярми. Довєдна зо 180 добровольниками ся нам подарило поставити десять новых турістічных мостиків, пять лавічок, єдну студнічку і опарадити єдну утулню звонка і зднука,“  прибижыв резултаты Віраґ. На єднотливых бріґадах брали участь любителї турістікы з многых реґіонів Словакії од молодежі аж по сеніорів.

(TASR, Шутіова)