Презідентку СР Зузану Чапутову оцїнили у четверь в Празї Золотов медайлов Універзіты Карловой. Ректорка Мілена Кралічкова оцїнила словацьку голову штату за одвагу хранити меншыны, демокрацію і правный штат. Підкреслила, же сі цїнить і єй покору а емпатію. Універзіта Карлова удїлює злату медайлу своїм академіком, але і особам мімо академічной обцї, котры ся вызначно заслужыли о розвиток універзіты або наукы, навчаня і академічных слобод.

(TASR, Шутіова)