В першім півроку того рока ся до Поліційного збору приголосило 4549 людей, што є о много векше звышіня в порівнаню з тым самым часом минулого рока, кідь їх было лем 2350. Тото выходить з дани, котры пресаґентура TASR здобыла од Міністерства внутрiшніх діл СР. Найвеце жадостей о вступ до поліції заевідовало міністерство в юні – 1048. Подобне чісло людей ся приголосило і в януарі. З дани тыж выходить, же приятых кандидатів до поліції было в першім півроку 442, в порівнаню з 316 в попереднім році. Поліційный збор противостоїть в послідніх роках недостатку поліцайтів, і в апрілю, подля міністра внутрiшніх діл Матуша Шутая Ештокa, в зборі хыбало приближно 3700 поліцайтів. (TASR, Пкф)