x

Калиняк одступує

00

Міністер внутрішніх справ Роберт Калиняк з владной партії Smer-SD кінчіть у функції. Повів то в понедільок дополідне у выголошіню про медії. Калиняк хоче і тым кроком всокотити стабіліту на Словакії. „Особенно чутливо спринимам вшыткы рухы, котры проходять на нашій політічній і сполоченьскій сцені. З увагов спринимам і погляды і позіції нашых коалічных партнерів, і зато собі думам, же єдным із діл, як наповнити свій мандат є, жебы єм зробив вшытко про тото, жебы стабіліта на Словакії зістала всокочена. І зато єм вырішыв, же на функцію підпредседы влады і міністра внутрішніх справ резіґную,“ повів Калиняк. Міністер подяковав поліцайтам, пожарникам, здравотникам поготовостных служб за 10 років співпраці. Убийство Яна Куцяка і його нареченой Мартіны Кушніровой є про Калиняка справов, з котров ся подля його слов дає лем барз тяжко вырівнати. Окрім обчаньскых походів жадали резіґнацію міністра Калиняка і членове коалічной партії Most-Híd. Smer-SD бісідує о резіґнації як о рішіню самого міністра.
(TASR, Медвідь)

Фото: TASR/ M. Svítok

Прочітайте собі / Pročitajte sobi