Контролї на граніцях з Мадярьском ся передовжать до 23. новембра. Первісно ся мали скончіти 3. новембра. На забезпечіня дочасной обновы контроль на южній граніцї мать іти 2,05 міліона евр. У четверь то схвалила влада. Цїлём є еліміновати підвышованя нелеґалной міґрації. Словацькый міністер внутрїшнїх дїл Матуш Шутай Ешток потвердив, же волна міґрації є актуално позаставлена. Ку контролям але приступила Словакія і зато, же їх передовжыли навколїшнї країны.

(TASR, Шутіова)