Ліґа проти раковинї в сполупрацї зо Желїзнїчнов сполочностёв Словеньско буде будучій тыждень у выбраных влакох пошырёвати освіту о онколоґічных захворїнях і їх превенції. Путуючі на трасї Братїслава – Кошіцї ся так будуть мочі наприклад научіти правилну техніку самовышетрїня пырсників ці семенників. В сполоченьскых вознёх двох ріхликів на трасї Братїслава – Кошіцї а назад буде путуючім од 18. до 21. септембра  ку діспозіції тзв. превентівный станок.

(TASR, Шутіова)