Мімовладны безпрофітовы орґанізації бы мали мати од януара 2019-го року властный реґістер. Зрядити го має новый закон, котрый днесь схвалили членове Конштітучноправного выбору Народной рады Словацькой републікы. Голосовати бы ся о нім мало на октобровім пленумі. Реґістер має быти лоґічно єднотным і датово конзістентным жрідлом даных о обчаньскых здружінях, профсоюзних орґанізаціях, фундаціях але і далшых орґанізаціях, наприклад неінвестічных фондах. Закон приготовило Міністерство внутрішніх справ. Вказує на то, же того часу не є обовязок мати даны о штатутарнім орґані і членах того орґану при споминаных орґнізаціях. Зряджіня реґістра мімовладных безпрофітовых орґанізацій має уможнити о них в будучности здобыти комплексны даны.
(Медвідь, TASR)