Довжка карантены по вступі до СР ся скоротить при єй безпризнаковім протягу зо 14 на десять днїв. Карантену мож закончіти і неґатівным резултатом PCR тесту зробленого найскорше на пятый день. Карантена ся не тыкать комплетнї заочкованых особ. Выходить то з новой выглашкы Уряду верейного здравотництва СР ку режіму на граніцях, котра буде платна од 15. октобра. Статус комплетнї заочкованой особы є по новім при вступі на теріторію СР треба превказовати будь COVID леґітімаціёв ЕУ або інакшым народным цертіфікатом третёй країны. Мусить быти опатреный штемплём або електронічно оверітельный а мусить быти выготовленый і в анґлицькім языку.

(TASR, Шутіова)