Міністерство інвестіцій, реґіоналного розвитку і інформатізації СР выдїлило высше сім міліонів евр на проєкт ОнкоАсіст, котрый мать помочі злїпшыти манажмент паціентів з раковинов, скоротити чекачі добы а понижати жертвы. TASR о тім інформовали з одбору комунікації резорту. Піде о уцїлену сістему манажменту онколоґічного паціента, од першых сімптомів захворїня аж по зачаток лїчіня. Злїпшыти мать комунікацію меджі єднотливыма робочіма місцями  ці одстранити дупліцітны лїкарьскы уконы. Ёго цїлём є скоротити путь ку лїчіню з высше 160 днї на 60. Пілотный проєкт ся буде напрямовати на три онколоґічны діаґнозы, а то раковину плюц, грубого черева і грудей.

(TASR, Шутіова)