На майже 270-ох школах на Словакії наголосили у віторок рано бомбу. Повів то міністер внутрішніх справ Матуш Шутай Ешток з тым, же на місцях засягує поліція і реалность бомбового огрожіня ся аналізує. Поліція в тій справі вже почала карный процес. Веде го в ділі терорістічной атакы, інформовав на пресконференції віцепрезідент Поліцайного збору про внутрішній порядок і безпеку Растіслав Полаковіч. В школах, де были наголошены бомбы, рекомендовав міністер школства Томаш Друкер перервати навчаня. Шеф резорту школства вірить, же не іде о реалну атаку, безпечность дітей є подля його слов найважніша.

(Медвідь, TASR)