Днесь в Братіславі з початком о 10.30 год   одбыло ся споєне 46. і 47. засадінаня Выбору про народностны меншыны і етнічны ґрупы Рады влады Словацькой републікы про людьскы права, народностны меншыны і родову рівность. На засіданю діскутовало ся окрем іншого о Наряджіню влады Словацькой републікы, котрым ся выдавать список сел, де обывателі Словацькой републікы належать ку народностній меншыні творячій найменше 15% обывательства, дале інформації о актуалнім ставі народностного школства, хоснованю языків народностных меншын, о роботі Фонду на підпору културы народностных меншын як і о повніню задач з Акчного плану охраны прав особ, котры належать ку народностным меншынам і етнічным ґрупам на рокы 2021-2025.  Нашу народностну меншыну репрезентують на засіданю Петро Медвідь і Мілан Ян Піліп. (TASR, Pkf)