Новым підпредседом Судной рады Словацькой републикы ся став судця Крайского суду в Нітрі Павол Пілек. Вырішыли о тім членове Рады вчера в тайній вольбі. Із притомных членів Пілека підпорило 13, єден ся в голосувані стримав. Нітрянскый судця успів на другый раз, кедь в септембровій вольбі му на зволіня хыбував єден голос. Вольбу пропонувала до проґраму доповнити членка Рады Марцела Косова. На місці підпредседу Пілек нагородить председу Крайского суду в Нітрі Яна Ванка, котрому уплинув функчный період в юні.
(Петро Кімак-Фейко)