О опозічных пропозиціях на одкликаня многых міністрів, як і о пропозиції на высловіня недовіры владі мають посланці Народной раду СР їднати днесь по голосованю, котре буде о 17:00 годині. Вырішыв о тім парламент на пропозицію коалічных посланецькых клубів. О семох пропозиціях на одкликаня міністрів і єдній пропозиції на высловіня недовіры цілій владі мають їднати в сполочній злученій дебаті. Опозіція жадать одкликати: міністра обороны Роберта Каліняка, міністерку културы Мартіну Шімковічову, міністра жывотного оточіня Томаша Тарабу, міністра внутра Матуша Шутая Ештока, міністра здравотницьтва Каміла Шашка міністра інвестіцій Самуела Міґаля і міністра транспорту Йозефа Ража. Тоты пропозиції были поданы уж давніше і повторюючо ся пeресувало їх продіскутованя зо засіданя на засіданя. Пропозицію на одкликаня міністра внутра подала опозіція наприклад в децембрі 2024-го року. Перед роком пришла і пропозиція на высловіня недовіры цілій владі.  (TASR, Пкф)