Міморядне засіданя Народной рады СР ку одкликаню міністра жывотного оточіня Томаша Тарабы ся у віторок не подарило одкрыти. Посланці не были узнесіняспособны. При першій презентації їх в салі было 62, при другій 63. Підпредседа парламенту Петер Жіґа зато переніс тото засіданя на середу. Пропозіцію на высловліня недовіры шефови енвірорезорту подали опозічны посланці за PS, SaS, і незарадженый посланець Любомір Ґалко. Міністер Тараба днесь ку свому одкликованю зорґанізовав пресконференцію, на котрій вєдно з міністерков културы мали намагу подати протиарґументы ку свому одкликованю. Опозіція подала і пропозіцію на одкликаня шефкы резорту културы Мартіны Шімковічовой.

(Медвідь, TASR)