Посланці Народной рады СР схвалили у віторок закон о державнім розрахунку на 2026-ый рік. Дефіціт публічных фінанцій бы мав у слідуючім році досягнути 4,1 процента грубого домашнього продукту, значіть нецілых 6 міліард. Мав бы ся такым способом знижыти із тогорічной очекованой уровни 5 процент ГДП. За закон голосовало вшыткых 79 коалічных посланців. Цілковы приймы публічной справы на рік 2026 ся рахують в обємі 62 міліард евр, што є 43 процент ГДП. Кошты бы мали досягнути 67,9 міліарды евр або 47,1 процент ГДП. Ку стабілізації публічного довгу бы мало прийти в році 2028, і то коло уровни 64 процент ГДП.

(Медвідь, TASR)