Паціенты за минувшый рік із факултных і універзітных шпыталів найліпше оцінили Народный інштітут дітячіх хворот в Братіславі. Із общіх шпыталів найліпшу оцінку має братіславскый Універзітный шпыталь – Шпыталь святого Мартіна. Выходить то з анкеты оціньованя шпыталів поістенцями пріватной здравотной поістьовни Dôvera. Ґенералный директор поістьовни Мартін Кутлан о тім інформовав на понедільковій пресконференції. Меджі шпеціалізованыма здравотныма заряджінями найліпше місце має Онґолоґічный інштітут святой Єлизаветы в Братіславі. В рамках остатніх заряджінь паціенты найліпше оцінили Народный інштітут дітячой туберкулозы і респірачных хворот в Нижнім Смоковці.

(Медвідь, TASR)