Передписованя лїку Лаґевріо на лїчіня COVID-19 ся дочасно позаставило. Прічінов мать быти доступность нового антівіротічного лїку Паксловід. Про TASR то потвердила говоркыня Міністерства здравотництва СР Петра Ланикова. ,,Позераючі на доступность нового і учіннїшого лїку, котрый здобыла Словакія як перша країна Европской унії з бывшого тзв. выходнёго блоку, были докторы пожаданы о дочасне позаставлїня прескріпції лїку Лаґевріо,“ озреймила говоркыня. Клінічны штудії подля нєй при Паксловідї потверджують скоро 90-процентну учінность. Ланикова варовала, же условіём на передписаня обидвох лїків є позітівный резултат PCR тесту. ,,Паціенты, котры суть старшы як 60 років, мають выконаня PCR тесту задарьмо,” припомянула.

(TASR, Шутіова)