Резорт школства хоче на Словакії запровадити повинну матуріту з математікы. Першокласници, котрых буде дотуляти ся повинна матуріта з математікы, бы мали на середні школы наступити 1-го септембра 2027-го року. Матуровати пак будуть в школьскім році 2030/2031. Основна уровень математікы бы мала быти повинна на ґімназіях, середніх промысловых школах і многых середніх школах фахового напряму. На понедільковій пресконференції о тім інформовав міністер школства Томаш Друкер. Резорт подля міністра мусить змінити обсяг навчаня математікы, приготовити школованя про педаґоґів, і планує підпору учітелів в слідуючіх трьох роках.

(Медвідь, TASR)